Eikonomics er ég, Eiríkur (Eiki) Ragnarsson. Ég er hagfræðingur og gagnavísindamaður. Eftir að ég útskrifaðist úr meistaranámi Otago háskólans, á Nýja Sjálandi. Árið 2013, hóf ég störf sem hagfræðingur fyrir ráðgjafa fyrirtæki í London. Ég starfa enn sem hagfræðingur, en í dag sit ég í Köln.
Undanfarin ár hef ég sérhæft mig í samkeppnismálum og unnið verkefni sem tengjast orkuhagfræði. Ég hef veitt ráðgjöf og unnið hagfræðigreiningar bæði fyrir einkaaðila og ríkisstofnanir.
Áður en ég hóf störf í einkageiranum vann ég um stutt skeið fyrir leiðbeinandann minn og Centre for Sustainability, hjá Otago Háskólanum. Þar vann ég rannsóknir á viðbrögðum neytenda við breytilegum rafmagnstöxtum. Úr þessari vinnu vann ég svo seinna meistaraverkefnið mitt.
Í hjástörfum vinn ég rannsóknir og greiningar á því sem ég hef áhuga á að hverju sinni. Þær greiningar sem mér þykja áhugaverðar skrifa ég og fæ birtar í dálknum mínum á Kjarnanum.
eikonomics.eu er því mengi þar sem allt sem ég hef áhuga á og vinn, sem tengist hagfræði á einn eða annan hátt, fellur undir. Hér á eikonomics.eu má finna:
- allar þær greinar sem ég hef skrifað á Kjarnann, sem og aukaefni og smáatriði sem ég ákvað að væri of flókið/nördalegt fyrir Kjarnann;
- micro-micro-blogg, þar sem ég skrifa nokkrar línur um micro-hagfræði og annað sem ég held að fólk kunni kanski (mögulega, hugsanlega) að meta; og
- upplýsingar um mig fyrir þá sem hafa áhuga á því að nýta sér sérþekkingu mína, eða bara ef fólk vill kjafta um það sem ég set á þessa síðu.
Fjórða maí 2021 gaf ég út mína fyrstu bók, Eikonomics — hagfræði á mannamáli, sem byggir á pistlaskrifum mínum. Ég mæli að sjálfsögðu með henni.
